العام الماضي في شهر رمضان كتبت مقال باسم (رمضان من سوهاج)وهي رساله الكترونيه من قبل الاخ (رمضان) مصري الجنسيه كان يقيم في دولة قطر،وهذه السنه ارسل لي رساله اخرى يحي جميع من على هذه الارض الطيبه ويبارك لهم حلول رمضان وقرب حلول عيد الفطر وبقول لكم (كل سنه وانتم طيبين)ويخبرني عن شهر رمضان هذه السنه بعيد عن قطر الخير بعد عشر سنوات قضاها في ربوع قطر،(السلام عليكم ياقمره ياست هانم ازيك ،السنه اللي فاتت بعد رمضان رجعت مصر وابن عمي في هولندا بعتلي أهاجر عنده،ورحت ياست هانم انا والمدام و ولادي المفاعيص موني ولولو وعبدالعال حيتعلموا انجليزي ومش هفهم عليهم بس يلله احسن هو المستقبل ابني عمي بقول كده،والله ياستي كل ماامشي بشوارع اوروبا دي بستغرب النظافه المش طبيعيه والخضار اللي يعمي العين من جماله ياااابوووي،،والمشكله الكبيره وحشوني الهنوده ولغتهم وهز الدماغ في كل حرف ،مش ملاقيهم في الشارع كلهم بيض وشقر وأخر حلاوه بس مش ينفع مع اللي متعود على الغبره والرطوبه..رمضان الشهر مش انا صعب اوووي هنا بطول الوقت والكل هنا ياكل وانتي بتشوفيهم بربع عين اختشوا بس ولا هم هنا بياكلوا بكل وقاحه مش بيعرفوا رمضان وحلوته ياحرام...
اولادي بيقنعوني ان هنا مافيش رمضان يعني مش لازم يصوموا،شوفتي ولاد اخر زمن بيلعبوا عليه بس على مين انا رمضان ابوهم المفروض يصوموا طوال شهور السنه مش شهر بالسنه،
والله وحشتنا قطر وجمالها وحلاوتها واهلها الجميلين السكره اللي من حلاوتهم مش بلاقي بوغازي وبوحمد وبو سلطان كل هنا ديفيد وميفيد واسماء بتغم النفس انا مش بناديهم بس بشاور لهم لان مخارج الحروف بتضيع عند اخوكي العبد لله ،تعرفي انا بقطر مش من تبع هاي كلاس ولكن من ابناء هاي بدع وهاي نجمه موطن اقامتي فريق نجمه ربنا يذكرهم بالخير وجماله ووقاره،تصدقي ياست هانم في بطوله اوروبا اللي كانت بالصيف الكل هنا تغير لونه للبرتقالي
قلت كلهم بحبوا (ام صلال)،ايام تشجيعه بقطر وقفنا معاه لحد ماصار نادي قطري يضرب له تعظيم سلام واحترام واجلال لاسلوبه هم مش عارفين من وقفتنا احنا الجنود المجهولين ندعي ونصلي ليهم لحد ماصار نادي كبير،بس (هولندا) لعبت في كأس اوروبا بس كان ناقصهم شوية حظ ومعاهم (ابوتريكه) لو جنسوه حيلعب لهم فريره ويكون نمره واحد بس هم ما استعانوا بخبرتي الكرويه لو سألوني كنت حفيدهم بعقليتي الكرويه بالملاعب القطريه والمثال نادي ام صلال،شكلها كده رساله دكتوراه حقوم بيها بالجامعه الهولنديه بالقريبه عجبتني الفكره ياست هانم،واول ماانتهي منها ابعتها ليكي تنشريها في عمودك الكبير والخطيربس الصبر جميل،ويمكن تلاقيني بعد هولندا في اليابان محدش عارف ،انا اخوكي العبدلله كالطير الحر،بس شكلها كده يااستاذه حسيب المدام في هولندا عشان من جات هنا خست 20 كيلو من طلوع ونزول السلالم لان العماره اللي احنا فيها مافيهاش مصعد واحنا ساكنين في الطابق نمره10 وكل يوم تنزل تجيب الحاجات وتطلع وتنزل توصل العيال المدرسه وتطلع و تنزل تودي الواد عبدو للنادي وترجع والحمدلله الرجيم الطبيعي جاب معاها فايده مع انها بقطر كانت من تنفس الهوى تتخن،يا ست هانم رمضان خارج الدول العربيه مالوش نكهه ولا طعم ولا ريحه بس مساكين العيال وامهم وابن عمي وكل اللي بصوموا بيصعبوا عليه صايمين بشكل طويل وبراقبهم عشان مش يغويهم الشيطان وياكلوا او يشربوا مايه لان محدش شايف،بس انا ياستي ياقمره صاحب مرض وعيه اصل فيه السكر زي ماقلت لك السنه اللي فاتت فمابصومش مع اني اسمي (رمضان) وانا اول واحد المفروض اصوم بس سخريت القدر اني مش بصوم،وبالحاله دي عاوز اقولك رمضان من هولندا بيسلم عليكم وبيقول كل سنه وانتم طيبين وعيالي بيعيطوا لان السنه دي مافيش عيديه وانا مضطر اديهم العيده ياخراب بيتك يا رمضان من هولندا....)
خير الكلام..
عن رسولنا الكريم.
اولادي بيقنعوني ان هنا مافيش رمضان يعني مش لازم يصوموا،شوفتي ولاد اخر زمن بيلعبوا عليه بس على مين انا رمضان ابوهم المفروض يصوموا طوال شهور السنه مش شهر بالسنه،
والله وحشتنا قطر وجمالها وحلاوتها واهلها الجميلين السكره اللي من حلاوتهم مش بلاقي بوغازي وبوحمد وبو سلطان كل هنا ديفيد وميفيد واسماء بتغم النفس انا مش بناديهم بس بشاور لهم لان مخارج الحروف بتضيع عند اخوكي العبد لله ،تعرفي انا بقطر مش من تبع هاي كلاس ولكن من ابناء هاي بدع وهاي نجمه موطن اقامتي فريق نجمه ربنا يذكرهم بالخير وجماله ووقاره،تصدقي ياست هانم في بطوله اوروبا اللي كانت بالصيف الكل هنا تغير لونه للبرتقالي
قلت كلهم بحبوا (ام صلال)،ايام تشجيعه بقطر وقفنا معاه لحد ماصار نادي قطري يضرب له تعظيم سلام واحترام واجلال لاسلوبه هم مش عارفين من وقفتنا احنا الجنود المجهولين ندعي ونصلي ليهم لحد ماصار نادي كبير،بس (هولندا) لعبت في كأس اوروبا بس كان ناقصهم شوية حظ ومعاهم (ابوتريكه) لو جنسوه حيلعب لهم فريره ويكون نمره واحد بس هم ما استعانوا بخبرتي الكرويه لو سألوني كنت حفيدهم بعقليتي الكرويه بالملاعب القطريه والمثال نادي ام صلال،شكلها كده رساله دكتوراه حقوم بيها بالجامعه الهولنديه بالقريبه عجبتني الفكره ياست هانم،واول ماانتهي منها ابعتها ليكي تنشريها في عمودك الكبير والخطيربس الصبر جميل،ويمكن تلاقيني بعد هولندا في اليابان محدش عارف ،انا اخوكي العبدلله كالطير الحر،بس شكلها كده يااستاذه حسيب المدام في هولندا عشان من جات هنا خست 20 كيلو من طلوع ونزول السلالم لان العماره اللي احنا فيها مافيهاش مصعد واحنا ساكنين في الطابق نمره10 وكل يوم تنزل تجيب الحاجات وتطلع وتنزل توصل العيال المدرسه وتطلع و تنزل تودي الواد عبدو للنادي وترجع والحمدلله الرجيم الطبيعي جاب معاها فايده مع انها بقطر كانت من تنفس الهوى تتخن،يا ست هانم رمضان خارج الدول العربيه مالوش نكهه ولا طعم ولا ريحه بس مساكين العيال وامهم وابن عمي وكل اللي بصوموا بيصعبوا عليه صايمين بشكل طويل وبراقبهم عشان مش يغويهم الشيطان وياكلوا او يشربوا مايه لان محدش شايف،بس انا ياستي ياقمره صاحب مرض وعيه اصل فيه السكر زي ماقلت لك السنه اللي فاتت فمابصومش مع اني اسمي (رمضان) وانا اول واحد المفروض اصوم بس سخريت القدر اني مش بصوم،وبالحاله دي عاوز اقولك رمضان من هولندا بيسلم عليكم وبيقول كل سنه وانتم طيبين وعيالي بيعيطوا لان السنه دي مافيش عيديه وانا مضطر اديهم العيده ياخراب بيتك يا رمضان من هولندا....)
خير الكلام..
عن رسولنا الكريم.
(ثلاث دعوات مستجابات لاشك فيهن:دعوة المظلوم،ودعوة المسافر ،ودعوة الوالد على ولده)
ليست هناك تعليقات:
إرسال تعليق