حمووود يفكر. إذاً.؟؟؟

حمووود مبروك بتعرس؟ أشوف شجرة السدر كلها ليتات ملونة،والفريج كله يقول انك نويت تدخل القفص الفضي،عبود خبري به ذهبي لا يارجال صاده الحلا صار فضي اليوم..
لا هذة شجرة راس السنة الهجرية،اقولك القصة يا عبود،اجلس استريح،اصب لك كرك ولا سليماني،كرك 4 شكر.
أقولك من أسبوع مودي الوالدة مجمع تجاري الا بشجرة كانها مثلث من كبرها بلييييه فيها ليتات ملونه وحركات وكور وجنبها شيبة ملتحي بلحية بييييضة كانها قطن صناعي،قلت للوالدة هذه اكيد فعالية لتعليم الأطفال حب الشجر و الشيبة الملا اللي يعلمهم القصص الزينه السنعة..
الا أسأل الأمن اللي يسمونه (سكر يوتي) ،شنو هذه الفعالية اللي عندكم،قال لي :ده ياسعادة البية المجمع بيحتفل بالسنة الميلادية حنبقى في 2011 يعني كده بالصلاة على النبي يبقى كده بالتمام والكمال 11 سنة معاهم كم يوم وكم ساعة حتفرق لو كان كاس العالم بالصيف ولا الشتاء، يا اخوي سالتك عن الشجرة وشدخل كأس العالم،دي فرح قطر ان شالله يلعب ابوتريكة ويباصي لحسام حسن ويأخذ الكأس.
والخيبة؟؟؟ايه حضرتك،يعني تبي تفهمني هذه الشجرة حق السنة الميلادية؟وشنو تسون برمضان والسنة الهجرية؟،ولا حاجة ياسعادة البية في رمضان تقريبآ في خيمة على باب المجمع،تقصد خيمة ذكر وفعاليات رمضانية؟،لا سيادتك بيكون صورة خيمة مرسومه على الباب اللي بيفتح بالكهربا،تسلم اخوي،رايح فين يابية؟منور المجمع وبكلامك معايا،رايح اخذ ابرة السكر قبل ماتجيني نوبة..
عاد يا عبود اصب لك كرك،لاتسلم،كمل وش قصة السدره؟الا افكر ليه مانستفيد من السدره يعني الكنار ونزينها مع بداية السنة الهجرية واجيب بو صالح الملا يسولف علينا سوالف الدين السمحة والطيبة.
ياحمود هذا تشبه فيهم،تكفة يا عبود هم الحين مثل الغرب ،ولا التشبه (وطر مضى)..
هاي عمي حمود وعمي عبود هلا نصوري ومهوي شلونكم وينكم من زمان عن الفريج، من بعد ما نقلتوا للمطار؟عمي في المدرسة مانخلص الا الساعة 4 عقب نروح المعهد ندرس انجليش،الحين عندنا أجازة راس السنة (الكريسمس) و أمي قالت نجي نسلم على ام حمود قبل مانروح اجازة دبي..
شنو حبيبي نصوري هذا (الكريسمس)يعني مثل العيد عندكم هذا عندنا في السكول،واجد حلو عمي واحد اسمه (سانت كلوز)يحكي لنا قصص حلوة وطيب ويعطينا هداية،وبعد في شجرة يقولون قول وش تبي وتيجيك الأمنية بسرعة،ماشالله يانصوري حافظ عدل..
عمي عمي حمود هلا مهويه،شنو هذا سيم التري مالت الكريسمس ،هذه يامهوية شجرة راس السنة الهجرية؟شنو الهجرية؟هذه سنة المسلمين يوم كان الرسول محمد صلى الله عليه وسلم،قولي عليه السلام يا مها عليه السلام،هاجر يعني سافر من مكه الى المدينة المنور.
عمي حمود هذه مكة اللي في السعودية اللي امي تروح تسوي فيها عمرة كل سنة..
حمووود خلص بدخل في غيبوبه هذول العيال مسلمين شنوا ذي ياربي، صبر عبود؟ شوف نصوري روح حق ابوك اليوم وقول له عمي حمود يقول لك بيدرس عيالك دين أسلامي ببلاش من غير ولا ريال..وناسة صج عمي بنلعب كورة..
شوف حموود يقولك كورة لا يكون حبيبي بتشترك في منتخب قطر2022،يقولك دين يعني اسلام يعني الله اكبر يعني مسجد..اي فهمت عمي عبود خلص لاتعصب بقول حق دادي لقينا مدرس ببلاش .