يوم الثلاثاء الموافق 4-مايو من هذا العام 2010،الساعه 3عصرا ام حمود تتصفح صحيفه الراية،حمود قوم لاطوفك الصلاه،هم حمود بالدخول الى الصاله في قلب البيت القابع في شعبيه خليفة،قايلج يا يمه قعديني الساعه ثنتين اشوف برنامج (الكاس والناس )على قناة الدوري والكأس هذا وقت (الحدي وربعه) لاتقعديني 3 العصر على النظام القديم كرتون تلفزيون قطر ايام كابتن ماجد وربعه الله يرحم فتره الكرتون زمن مضى ماعاد وقت الطفوله الخاص كما كان لان قنوات الاطفال سحبت البساط من ساعه الاطفال اللي خلت الاطفال يتوجهون الى (الدوري والكاس)شاهد حمود المذيعه لانا آل عادي(تذكر بأماكن بيع تذاكر كأس سمو الامير في الاماكن المخصصه وتنوه عن الجوائز)يمه اليوم تروحي سوق الخميس والجمعه ولا سوق الحراج تاخذين لي 10 تذاكر لاتروحين فيلاجيو ولاند مارك لان هالتذاكر مالها حظ ،في سوق الويك اند قولي لاي هندي يمسك التذاكر يتبارك عليهم يارب يايمه افوز ب50 الف ريال اسفرج دبي بس عن طريق البر لان لو بنحجز على القطريه راح نص المبلغ وحلاوه الجائزه راحت في تذكره جويه في زمن الازمه الاقتصاديه ،توقعين يمه متى تيجي (الازمه الطيرانية) مافي شي بعيد ياحمود هلله هلله بالصلاه والدعاء ،ولا تذاكر سفر لشخصين نروح جنوب افريقيا نشجع منتخب البرازيل ولا اخرتها نروح الخور كشته صيفيه وناخذ لنا كرك في صيفنا اللندني..
حمود ضيعتني وفريت راسي قاعده اقرا خبر في الراية عن(جهاز متطور لتفتيت الحصى )لا وبعد(يتيح للطبيب التقاط 120 صوره بالثانية)بقول حق خالتك زليخه جارتنا تروح ذابحها الحصى صاير بطنها كان كرة ارضية،يايمه لاتقولين لها 120 صوره بالثانيه ياخوفي يكون كل صوره تشخيص وحده حاله الحصى خطيره والثانيه الحصى متوسط والثالثه حالتج خطيره لاينفع التفتيت فيها بل انتي بحاجه الى دينميت محظور طبيآ،قولي لها يقولج حمود عليه بالاعشاب الطبيعيه ويد مساده من العصر الجميل والحصى بيصير صدف بحر نادر الوجود لان اثبت الاعشاب الطبيه والعلاج البدائي احسن من التطور المذهل اللي مخلي كل من هب ودب دكتور يعني الطب الفطري اثبت نجاحه الله يرحمك يا شيخنا بوسعيد مطوع المسجد ودختر الفريج وعطار الحي وحلاق عند اللزوم كان سبع صنايع بس البخت موجود لان نيته يعالج كل من عنده مرض او سقم ومثل مايقول(وبنياتكم ترزقون)..
يمه شفتي خبر في الراية (ضرب الاطباء اصبح ظاهرة في الطواري)اه ياقلبي عورني من الضحك حمود هذا خبر مغلوط هم يبتدون ذاك اليوم وديت عطوف بنت آمنه جارتنا فيها مغص وتوابعه الا الطبيب يقول لها اشربي سفن آب وعيش وروب وتعالي لي بكره اقوله يادكتور انت شيف طباخ ولا طبيب تعطيها ابره ولا حبوب تخفف عليها يمكن فيها تسمم قال لها ماعليها شر ياحاجه بس لازم أنتأكد لحد بكره،لو فادها هذا الاكل أذا تسمم بسيط اما لو مافادها وجاها اغماء جيبيها ونشوف نعطيها ابره ولا نحول حالتها الى البروفسور القادم من بلاد الغرب يعرف يتعامل مع التسمم الغذائي والموعد خلال اسبوع الى اسبوعين لعدم توفر مواعيد حاليآ،يعني ياحمود اللي يخليهم يعرفون ان تسمم ولا مغص بسيط موت البنت،يعني هناك ضرب من عدم اهتمام الدكتور يواجهه ضرب من اهل المريض ليحافظون على روح فلذه كبده و اجيال الوطن نريد ان نعمر قطر واحنا كل يوم ينقص من العدد الاجمالي والاسباب(أخطأ طبيه)..
يلله بروح سوق الويك اند اجيب لك تذاكر لك واجيب كرتون سفن آب وخيشة عيش ودرزن روب حق عطوف بس قول ان شالله اوصل لها قبل ماتودع خبرك زحمتنا عالميه مع هذا وشعبنا يتقلص ياحمود..
حمود ضيعتني وفريت راسي قاعده اقرا خبر في الراية عن(جهاز متطور لتفتيت الحصى )لا وبعد(يتيح للطبيب التقاط 120 صوره بالثانية)بقول حق خالتك زليخه جارتنا تروح ذابحها الحصى صاير بطنها كان كرة ارضية،يايمه لاتقولين لها 120 صوره بالثانيه ياخوفي يكون كل صوره تشخيص وحده حاله الحصى خطيره والثانيه الحصى متوسط والثالثه حالتج خطيره لاينفع التفتيت فيها بل انتي بحاجه الى دينميت محظور طبيآ،قولي لها يقولج حمود عليه بالاعشاب الطبيعيه ويد مساده من العصر الجميل والحصى بيصير صدف بحر نادر الوجود لان اثبت الاعشاب الطبيه والعلاج البدائي احسن من التطور المذهل اللي مخلي كل من هب ودب دكتور يعني الطب الفطري اثبت نجاحه الله يرحمك يا شيخنا بوسعيد مطوع المسجد ودختر الفريج وعطار الحي وحلاق عند اللزوم كان سبع صنايع بس البخت موجود لان نيته يعالج كل من عنده مرض او سقم ومثل مايقول(وبنياتكم ترزقون)..
يمه شفتي خبر في الراية (ضرب الاطباء اصبح ظاهرة في الطواري)اه ياقلبي عورني من الضحك حمود هذا خبر مغلوط هم يبتدون ذاك اليوم وديت عطوف بنت آمنه جارتنا فيها مغص وتوابعه الا الطبيب يقول لها اشربي سفن آب وعيش وروب وتعالي لي بكره اقوله يادكتور انت شيف طباخ ولا طبيب تعطيها ابره ولا حبوب تخفف عليها يمكن فيها تسمم قال لها ماعليها شر ياحاجه بس لازم أنتأكد لحد بكره،لو فادها هذا الاكل أذا تسمم بسيط اما لو مافادها وجاها اغماء جيبيها ونشوف نعطيها ابره ولا نحول حالتها الى البروفسور القادم من بلاد الغرب يعرف يتعامل مع التسمم الغذائي والموعد خلال اسبوع الى اسبوعين لعدم توفر مواعيد حاليآ،يعني ياحمود اللي يخليهم يعرفون ان تسمم ولا مغص بسيط موت البنت،يعني هناك ضرب من عدم اهتمام الدكتور يواجهه ضرب من اهل المريض ليحافظون على روح فلذه كبده و اجيال الوطن نريد ان نعمر قطر واحنا كل يوم ينقص من العدد الاجمالي والاسباب(أخطأ طبيه)..
يلله بروح سوق الويك اند اجيب لك تذاكر لك واجيب كرتون سفن آب وخيشة عيش ودرزن روب حق عطوف بس قول ان شالله اوصل لها قبل ماتودع خبرك زحمتنا عالميه مع هذا وشعبنا يتقلص ياحمود..
ليست هناك تعليقات:
إرسال تعليق