حمود بيس-آب

المكان فريج في مدينه خليفة الجنوبيه الساعه 3 والنصف عصرآ حمود يتجول بجانب البيت بعد انتهائه من اداء صلاة العصر الجو مائل الى الحراره مع رذاذ غباري مصحوب بأتربه كما هو الجو في السنوات الاخيره لم نشاهد الامطار بل نشاهد الغبار الذي يفيد في تكوين الطعوس عشان يلعب عليها عيال الفريج بالسياكل والبطابط وراجو ينظف سيارة عبدو وياخذ منه 5 ريال ويشتري فيها كيما وجباتي من المعصره هذا ماكان يدور في خلد حمود وهو يحادث نفسه أثناء مشيه في الفريج،الا بصراخ عبود ولد بخش الخباز ينهركومار راعي الدكان لان اخذ عدد اثنين مشروب غازي من الدكان ليسرسح على قلبه هو وصديقه جمول ووجد راجو يطالبه ب3ريال قال له الحسبه غلط غير الاله الحاسبه من سنه 1985 واحنا في الابتدائيه اكيد الارقام مب صح قال له لا عبود هذا زمان راح مشروب غازي رخيص الحين في زياده نص ريال يعني ريال ونص حق قوطي واحد،ليش كومار الحين كلش نفر في ازمه اقتصاديه وهذا يطلع فوق ليش..
اثناء هذا الصراخ بقرب حمود منهم قال له عبود عن الخبر الصاعق بزياده المشروب الى ريال ونص،حمود وقف مذبهل من كومار قال له ياكومار خلاص كذا مافي فايده الكراتين بتم عندك بتغبر زياده مع الجو المغبر،فماكان من حمود العقل المدبر الا الطلب من عبود الذهاب معه الى المجلس في البيت والتفكير بخطه لهذا الحدث الصاعقه،كان الحل البحث في الانترنت بكيفيه عمل المشروب الغازي وشراء المكونات الاساسيه من امريكا عن طريق النت وتصنيعه منزليآ بالتعاون مع اهل الفريج وتعبئته وبيعه على الشعب بنصف ريال فقط والكرتون بريالين فقط ليكون مدعوم للشعب حتى لايتم رفع الاسعار بالطريقه الجنونيه في زمن الازمه الاقتصاديه ،طلب حمود من والده بيع هذا المشروب المصنع محليآ في محل والده في سوق واقف لان هوامير السوق لايؤمنون بالمنتج المحلي ،لان منتج دون طموحهم الاقتصادي الوفير وسيكون اسمه المشروب الغازي(حمود بيس-اب)بنكهات مختلفه واحجام مختلفه جميعها بنفس السعر..
عند وصول الخبر الى ام حمود كان رد فعلها هذا على راسه ريشه ذهب يرتفع مب احسن لهم يوزعونه ببلاش على الاوادم هذا وهو ضار يرفعون سعره عيل لومفيد ويفيد ذاكرتنا المصديه وش كان خلوه ب100 ريال،خلاص مالكم الا العصير الطبيعي احسن وفايدته اكثر من السموم اللي تشربونها من الغازات ياحمود،قالت له يبه بسويلك كل يوم عصير فرش ببلاش ولاتزعلون للفريج كله وابي منكم الدعوه السنعه اللي يكون فحواها(علاج على حساب الدوله في لندن في الصيف هذا 2010 )رجائنا الدعوه محدده بشهور الصيف ...
حمود قام بعمل صفحه على الفيس بوك يناشد جميع الشعب القطري بالتعاضد والوقوف جنبآ الى جنب بشعار اليوم الوطني (يوم التكاتف والولاء والعزه)مع هذه الظاهره المستفحله برفع سعر المشروب الغازي حتى يتم ارجاعه الى الاربعانات كما كان في العقود الماضيه ولا يتم رفعه الى ان يصل الى 10 ريال ونقول الله يرحم ايام الريال وايام الرخص..