قوم ياحمود الساعة 3 العصر وانت نايم والدنيا قايمة وماقعدت في مصر،عبود يا الدب من وين دخلت؟هذا بيتنا..طق الباب رن الجرس خلك مأدب يا الهيس...بابكم مفتوح وهذا المجلس يعني تدخل على طول هذا مجلس رجال ياعبود،لا هذا مجلسي انا حمود يعني في قواعد ونظم تدخل بأدب واستاذان ولي قلت لك تفضل اقلط تنطر دقيقتين بعد..
خل عنك الخرابيط وهلوسة النوم،حط على الجزيرة،ميدان التحرير غاص بالناس قايمين على مبارك،وش عندك العيد جه متجمعين،لا ياحمود يبون يخلعون مبارك مايبونه..
وش هذا الحرير هذا مكان في مصر ياحمود،وهذول شنهم من وين جاين الناس هالكثر في حد غزاهم،لا ياحمود وش فيك صاير اثول النوم مأثر عليك،صب لك قهوة وقند راسك عشان تفهم.
هذول شباب مصري اجتمعوا في الفيس بوك والنت وسوا خطه على النظام عندهم، والله خوش ياعبود الحين استوعبت،ذكرتني بمسلسل الفاروق اللي كان في رمضان من كم سنه يوم طلعوا فاروق مسكين العسكر اللي عندهم،الدنيا حوبه،والله المصريين يستاهلون حاكم يعينهم ويعاونهم مب يذبحهم حتى الخبز مب لاقينه..
صب لي بعد قهوة ياعبود مع ان طعمها مب شي من امس هذه الدله موجوده الخدامة سافرت والوالدة امس راحت دبي،ياريتنا معاهم يا عبود ندخل التاريخ من اوسع ابوابه..
يابخت الطلاب ياعبود لي جو يدرسون مادة التاريخ مايدرسون مثلنا على ايامنا في الثمانينات من قام بهذه الحرب وهذة الغزوه كم عدد الخيول ومن هو القائد المغوار ومن كان مع الاعداء والا الرومان والفرس والعثمانيين واشياء ماتقدر تحفظ ارقامها من التواريخ الى العدد..
الحين مادة التاريخ معاهم اسهل من السهوله عاصروا الاحداث،يجيهم سؤال ياعبود؟؟قصر صوت التلفزيون خل اقولك،من مطلق شرارة ثورة الياسمين في تونس؟ ولا ماذا فعل بنفسة البوعزيزي ؟ولاعن ثورة مصر في اي المواقع الالكترونية بدأ التجمع الشبابي؟ ولا سؤال احلى كم عدد الخيول والجمال والبغال المستخدمه من قبل النظام الحاكم ضد الشعب؟ ما اسم الميدان الشبابي في ثورة مصر؟يعني والله اللي ماياخذ العلامه الكامله غبي، ولا صح ام خطأ من ثورته قبل تونس ام مصر ؟..
لازم فصل كامل يدرس في المدارس عن قناة الجزيرة اللي خلت الفكر تحريري والله هذه الجزيرة خطيرة ياعبود،لوكانوا يدرون هالانظمه في قناة فضائية بتغربلهم،كان مادخلوا الاقمار الصناعية والستالايت والانترنت بلادهم،كان تموا على الاريل والقناة المحلية..
حمود مساكين ماصادفتهم عرافة مثل اللي قالت حق مرت السادات بتصير سيدة مصر الاولى ولا مثل اللي قالت حق اسمهان بتموتين غرقانة،لو دروا كان منعوا الفضاء المفتوح مثل ماقطعوا الاتصالات و الانترنت على الشباب في هذه الثورة..
والله ياعبود لو تنحى هذا الرئيس لااسوي عزيمة كشري حق كل الفريج واخلي كومار يعطي كل مصري يدخل دكانه ابلاش ويحطه على احسابي,يااخي أهل مصر يستاهلون كل خير..
بس صراحة الشباب يا عبود كفوووو ...من جاينا..السلامووو عليكووو ازيكم ياشباب،هلا عدوله؟؟شفتوا الابطال المصريين عملوا ايه؟اي شفنا، كده حنتنفس الحرية مافيش قمع بعد النهارده،بص يا حمود انت وعبود هم دول مستقبل مصر، خلال حرقنا تلاتين سنة من الاسر الى سماء الحرية...ونبي نفسي ارقص عشرة بلدي
ليست هناك تعليقات:
إرسال تعليق