ميري دخلي شناط السفر اللستور ماراح نروح لندن انا وخزنة،شلونك يمه حمووود حطت لك الغداء ميري ؟خليتها تسويلك اليوم مجبوس دياي و سلطة بالزيتون،تسلمين يايمة حطت لي ذاك الاجار اللي فتح اذني اللي مسكرة من بعد خطبة القذافي امس..
يا يمه وش فيج ماراح تسافرين مع خالتي خزنة لندن،صارلج 3شهور تتكلمين عن هالسفرة،واليوم تقولين مافي سفر.
ايه ياحمود حسبي الله على تذاكر الطيران في هالطيران الوطني اللي يلهفنا لهف كنسلنا ولا كان ورثة خزنة بتروح في سفرة وحده ثمن التذاكر،تعرف ياحمووود ان خزنة من سنة 1988 من توفى ابوها وهم في المحاكم يبون يقسمون الورث واخيراً حصلت هالورث بعد هالسنين الطويلة..
ياقلبي على خزنة قالت لي والله ياام حمود لو قسموا هالورثة لاوديج لندن وتشوفين الاميرة ديانا هذا الوعد سنة 1990 وراحت الايام والورث ماله اثر وهذا احنا في 2011 والاميرة ديانا ماتت وهذا ولدها بيتزوج بعد كم شهر ولا شميت ريحة لندن ياحمود..
جات السنة توفي بوعدها رحنا اليوم الساعة 10 الصبح مكتب حجز الطيران قالت لي والله ياام حمود بنقعد درجة اولى نمتع نفسنا بورثة ابوي الغالي اللي صار لها 24سنة ننطرها .
دخلنا مكتب السفريات عند واحد اسمه راضي قال لنا الاولى المتجهه الى لندن تذكرة ب 28 الف والثانية 19 الف قلنا له ليش نبيهم جنب بعض في الدرجة الاولى، قال لنا كلهم مع بعض في نفس الكابينا الاولى نفس الاكل والخدمة بس هذة تسعيرة الخطوط المحلية في قطر سياسة ويجب الجميع يتبعها الاسعار تفرق ولا الباقي عنبر اخو بلال..
عاد ياحمود،قالت له خزنة الله يغنينا عن طيرانكم المحلي اللي ناهبنا نهب وجوازنا العنابي معاهم يخليهم يشفطونا عدل هذا وهم ناقل بس مب سكن سياحي ولا كان سوا فينا اعلوم كل يوم ارفعوا السعر اول يوم في الفندق سعر واليوم الثاني سعر واليوم الثالث يرتفع 100%..
لا بعد اخر شي قالنا راضي اللي بشركة الطيران بعد فترة بيلغون الدرجة الاولى يضحك يقول سافروا عليها قبل الانقراض،بس لاتخافي يامدام كلا الاسعار راح تترحل الى الدرجة الثانية يعني الاسعار ماراح توحشكم كتير بس الخدمة راح تنزل لان سياسة الشركة بدها هيك..
واخذنا شلايلنا ياحمووود ورجعنا البيت وطارت لندن لا بعد 24 سنة قدرنا نروح ولا لما جه ورث خزنة قدرنا، تذكر خزنة ياحمود اللي كانت ادرسك في روضة الاطفال وانت صغير، ايه يمه اذكرها عدل،ابوها سماها خزنة من كثر مايحب الفلوس ويوم جات ورثتها عيت الخزنة لاتفتح..
يا يمه وش فيج ماراح تسافرين مع خالتي خزنة لندن،صارلج 3شهور تتكلمين عن هالسفرة،واليوم تقولين مافي سفر.
ايه ياحمود حسبي الله على تذاكر الطيران في هالطيران الوطني اللي يلهفنا لهف كنسلنا ولا كان ورثة خزنة بتروح في سفرة وحده ثمن التذاكر،تعرف ياحمووود ان خزنة من سنة 1988 من توفى ابوها وهم في المحاكم يبون يقسمون الورث واخيراً حصلت هالورث بعد هالسنين الطويلة..
ياقلبي على خزنة قالت لي والله ياام حمود لو قسموا هالورثة لاوديج لندن وتشوفين الاميرة ديانا هذا الوعد سنة 1990 وراحت الايام والورث ماله اثر وهذا احنا في 2011 والاميرة ديانا ماتت وهذا ولدها بيتزوج بعد كم شهر ولا شميت ريحة لندن ياحمود..
جات السنة توفي بوعدها رحنا اليوم الساعة 10 الصبح مكتب حجز الطيران قالت لي والله ياام حمود بنقعد درجة اولى نمتع نفسنا بورثة ابوي الغالي اللي صار لها 24سنة ننطرها .
دخلنا مكتب السفريات عند واحد اسمه راضي قال لنا الاولى المتجهه الى لندن تذكرة ب 28 الف والثانية 19 الف قلنا له ليش نبيهم جنب بعض في الدرجة الاولى، قال لنا كلهم مع بعض في نفس الكابينا الاولى نفس الاكل والخدمة بس هذة تسعيرة الخطوط المحلية في قطر سياسة ويجب الجميع يتبعها الاسعار تفرق ولا الباقي عنبر اخو بلال..
عاد ياحمود،قالت له خزنة الله يغنينا عن طيرانكم المحلي اللي ناهبنا نهب وجوازنا العنابي معاهم يخليهم يشفطونا عدل هذا وهم ناقل بس مب سكن سياحي ولا كان سوا فينا اعلوم كل يوم ارفعوا السعر اول يوم في الفندق سعر واليوم الثاني سعر واليوم الثالث يرتفع 100%..
لا بعد اخر شي قالنا راضي اللي بشركة الطيران بعد فترة بيلغون الدرجة الاولى يضحك يقول سافروا عليها قبل الانقراض،بس لاتخافي يامدام كلا الاسعار راح تترحل الى الدرجة الثانية يعني الاسعار ماراح توحشكم كتير بس الخدمة راح تنزل لان سياسة الشركة بدها هيك..
واخذنا شلايلنا ياحمووود ورجعنا البيت وطارت لندن لا بعد 24 سنة قدرنا نروح ولا لما جه ورث خزنة قدرنا، تذكر خزنة ياحمود اللي كانت ادرسك في روضة الاطفال وانت صغير، ايه يمه اذكرها عدل،ابوها سماها خزنة من كثر مايحب الفلوس ويوم جات ورثتها عيت الخزنة لاتفتح..
ليست هناك تعليقات:
إرسال تعليق